「阿叔咁話」：飲江叔叔 X 雄仔叔叔 對談

「阿叔咁話」：飲江叔叔 X 雄仔叔叔 對談 

日期：2022年11月6日（星期日） 

 時間：3 PM - 4:30 PM  

地點：電影文化中心（九龍土瓜灣旭日街19號雅高工業大樓4樓A2室） 

 嘉賓：飲江叔叔、雄仔叔叔

主持：陳燕怡 Cat（「我城我書」項目統籌）  

語言：中文  

名額：30位

 

活動簡介： 

「這所謂   

    的遭逢   

    該如何說起？」 

 ——飲江〈巴士驟停〉    

飲江叔叔與雄仔叔叔，他們如何遭逢彼此？  

據說年前在離島的某次聚會，叔叔之間有個美好的約定。當時在場的三位叔叔發現自己「各有所失」，有人掉了牙齒、有人漸覺視力減損、有人失聰漸趨嚴重……  

適逢《搬石：飲江詩選》成為「我城我書」之年度選書，故事中的兩位叔叔將於九龍城相聚，談論他們的故事，與現場觀眾對話，分享如何講故事、寫故事。

「有些墻

    你們看作門   

    輕易推開」 

 ——阮志雄〈故事〉    

嘉賓介紹：

飲江

癲癲蠢蠢神神化化無厘搭霎,阿媽咁話。阿媽真係咁話。

好悶嘅寫詩人，寫詩四十多年，寫詩如是，唔寫詩尤其如是。好在喜歡聽故仔。好在喜歡挪用聽到啲故仔嚟作故仔。自己就冇乜㗎嘞。但冇緊要吖，你追隨嗰啲故仔，你自己就會變成故仔㗎嘞。阿媽咁話。阿媽真係咁話。寫詩嘅時候,阿媽就會咁話。見新出詩集《於是搬石伏匿匿躲貓貓你沿街看節日的燈飾》(2022）和《搬石：飲江詩選》（James Shea、謝曉虹譯)。

阮志雄

雄仔叔叔，故事人，也寫詩。

最初寫詩，係想解放世界。真㗎， 唔信你揾本叫「革命的成長」嘅小冊子睇睇，無呃人。跟住大佬又係讀書會拍檯大叫，「革命聽日就來啦」，我咪返屋企等囉，以為第二日有人來派槍，出門守街疊。

呢個聽日等咗幾十年，終於有個細路來咗， 叫我跟佢行。出得來行，預咗要行， 行李就係個初心，寫詩嘛。細路話，好重喎，放低一陣先啦, 孭住座山， 好難解放㗎。咁我就跟咗呢個細路大佬， 行行重行行， 原來佢係地球上第一個出現既人，行行重行行， 啲詩就跟住跌跌碰碰走出來。

我冇唔記得初心㗎，有時望返轉頭睇下嗰座山，佢企喺嗰度好似好啲喎，孭住佢行來行去，大家都唔舒服。依家好啲啦， 最少有人問我，你仲有冇寫詩呀? 我就叫佢去買本《你還有沒有寫詩》（2017）証實一下。順帶一提， 呢兩個大佬尚健在，仲有跟㗎。